ఆ రోజు రోజూ లాగానే అన్నయ్యలు,అక్కయ్యలు బళ్ళకు పోయారు.బాబు ఆఫీసుకు వెళ్ళాడు.అమ్మ వంటింట్లో వంట చేస్తుంది.నేను గడప దగ్గర కూర్చుని వీధిలో వచ్చే పోయే వాళ్ళని చూస్తున్నాను.ఇంతలో ఒక ఆయన ఇంటి దగ్గరకు వచ్చాడు.చాలా పొడుగుగా వున్నాడు.తెల్ల పంచె.తెల్ల చొక్కా వేసుకుని వున్నాడు.పాపారావు గారిల్లు ఇదేనా అని అడిగాడు.తల అడ్డంగా ఊపుతూ నాకు తెలీదు అని చెప్పాను.ఇంతలో అమ్మ గబగబా వంటింట్లోనుంచి వచ్చింది.ఎవరో నన్ను పలకరించడం వినిందో,లేక వచ్చిన వాళ్ళెవరో తెలిసి వచ్చిందో నాకు తెలియదు.అమ్మ ఏమో రామయ్యా,రారా అంటూ సంతోషంగా పిలిచింది వచ్చిన అతనిని.అక్కయ్యా అంటూ ఆయన.ఏందే దీనికి బావ పేరు తెలియదా?పాపారావు గారిల్లు ఇదేనా అంటే తల అడ్డంగా ఊపింది అని చెప్పాడు.మా మామను మొదటి సారి చూడటం అదే.అప్పుడు మన తెలివి తేటలు అలా వుండేవి.అమ్మ అంటే అమ్మ.బాబు అంటే బాబు.మరి నేను?ఏమో?తెలీదు.
Subscribe to:
Post Comments (Atom)
No comments:
Post a Comment